అసలు , ఏ ఉత్పత్తి కైనా "ధర" ఎందుకు , దేన్నీ బట్టి, ఏర్పడుతుంది? కొన్ని ఉత్పత్తులకు తక్కువ ధరా, కొన్ని ఉత్పత్తులకు ఎక్కువ ధరా, ఎందుకు ఉంటాయి? - ఈ రకంగా , ధరని గురించిన కారణం తెలుసుకోవాలనే ఆసక్తితో , వేల సంవత్సరాల నించి ఉత్సాహవంతులు, ఆలోచిస్తూనే వున్నారు. ఈ పరిశోధన, అరిస్టాటిల్ తో ప్రారంభమమై , 2 వేల సంవత్సరాలు గడిచే నాటికీ, రికార్డో దగ్గరికి వచ్చేటప్పటికి, ఒక చిన్న విషయం దొరికింది. అదేమిటంటే, "ఏ ఉత్పత్తి అయినా శ్రమల తోటే తయారవుతుంది: ఆ శ్రమల వల్ల తయారైన ఉత్పత్తిలో కొంత భాగం, పెట్టుబడి పెట్టిన వాడికి లాభంగా ఆందాల్సిందే" - ఇదే రికార్డో అన్నది! శ్రమల వల్ల తయారు కానీ వడ్డీలు , లాభాలు వంటివి, సరుకు ధరని ఏర్పరిచే :"శ్రమ కొలత" కి ఎలా కారణం అవుతాయి? -- మర్క్స్ అవగాహన ఈ తర్కాలతో సాగింది.