మాది దేవరయాంజాల గ్రామం. రంగారెడ్డి జిల్లా ప్రస్తుత శామీర్ పేట మండలం(గతంలో మేడ్చల్ తాలూకా) లో ఉంది. 1969 సంవత్సరంలో ప్రత్యేక తెలంగాణ ఉద్యమం బాగా విస్తరించింది. నేను అప్పుడు పదవతరగతి చదువుతున్నాను. నాకు 15 సంవత్సరాలుంటాయి. ఉవ్వెత్తున కెరటంలా వచ్చిన ఆ ఉద్యమంలో తడవకుండా ఉండలేకపోయాను. 

         ఆ రోజుల్లో బంద్ పిలుపులు ఎక్కువగా వచ్చాయి. వరుసగా కొన్ని రోజులపాటు బంద్ కు పిలుపు ఇచ్చినట్టు కూడా జ్ఞాపకం. ఆ సమయంలో బంద్ లో పాల్గొనాలంటే ఏం చేయాలి?... మాది పెద్ద గ్రామమే అయినా బంద్ లో పాల్గొనే అవకాశాలు లేవు. వ్యవసాయం, కుల వృత్తులు తప్ప మరే కార్యక్రమాలు అక్కడ జరగవు. కాబట్టి పొరుగున ఉన్న తూంకుంట గ్రామానికి విద్యార్థులం బయలుదేరాం. 

                                                                                                           - వుప్పల నరసింహం