మనందరిది ఒక్కటే కథ. హెచ్చుతగ్గులు ఏమైనప్పటికి. మనందరిది ఒక్కటే బాధ. వూరువాడా ఏదైనప్పటికీ అదే.-
"మీ పిల్లలు ఎం చేస్తున్నారు?" అన్న ప్రశ్నకు సమాధానం . ఈ ప్రశ్న నుండి ఎవరు తప్పించుకోలేరు.
మా అబ్బాయి ఫలానా, మా అమ్మాయి ఫలానా అని మనం చెప్పగానే ఎదుటివాళ్ళు " ఓ.... వాళ్ళు మీ పిల్లలేనా" అంటుంటే మన ఆనందం ఆకాశమైపోదు!
ఏ తల్లిదండ్రులైనా పిల్లల వల్ల తమకు గుర్తింపు రావాలనుకుంటారు. దీనికి అమెరికా కూడా మినహాయింపు కాదు. అంతే కదా? "జనులా పుత్రుని కనుగొని పొగడగ," ఒక కాంతి మన జన్మను ధన్యం చేసినట్లు భావిస్తాం. ఆ కాంతిలో జీవితం హాయిగా గడిచిపోతుంది అవునా?
నా వయస్సులో వున్న తల్లిదండ్రులందరిని నిలదీస్తున్న ప్రశ్న - పిల్లలు. వాళ్ళను తీర్చిదిద్దాలి. వాళ్ళను ప్రయోజకుల్ని చేయాలి. జనులా పుత్రుని కనుగొనాలి. ఎలా?