విశ్వనాథ అవినా, విశ్వనాథ సంబంధిత విషయమనినా మేము నిత్య జాగ్రదావస్థ యందుండెడినట్లు మాలోన ఆ భావనను నిక్షిప్తము చేసిన మా మాతాపితలు శ్రీమతి & శ్రీ విశ్వనాథ బాలవేఙ్కట్ లక్ష్మీరాజేశ్వరి మరియు పావనిశాస్త్రి గార్ల అజ్ఞానుసారముగా పారంపర్యా క్రమములో ... ఇప్పుడు 2018 లో విశ్వనాథ వారి చిన్న కథల సంపుటి యొక్క ఐదవ ముద్రణను మీ ముందుకు తీసుకురాగలుగుతున్నాము. మా అనంత సేకరణోద్యమ ఫలితముగా "ఆకృతి " అను కథను సోదరుడు శ్రీ కౌటిల్య చౌదరి ద్వారా పొందగలిగి యందు పొందపరుపగల్గుతున్నాము .

                ఈ సంపుటములో "విస్మృతి" మరియు "ఆకృతి" అను కథలు విశ్వనాథ వారు గిరికుమార అనే కలం పేరుతో రచించిన కథలు. యే యే పత్రికల్లో యేయే సంచికలలో యేయే కాలాల్లో ప్రచురితమయ్యాయో ఆ వివరాలు తెలిసినంతవరకు ఆ కథల దగ్గరే యచ్చము.