పరుగెత్తే రైలుశబ్దంలోనూ , కురిసేవానలోనూ ఓ గమ్మత్తయిన మ్యూజిక్కేకాదు, మ్యాజిక్ కూడా ఉంటుంది. అలాగే అమాయకత్వంతో ఓ అందం ఉంటుంది. అయిదేళ్ళనుంచి పదహారేళ్ళలోపు వయసులో కనిపించే ఆ అమాయకత్వం అందులో కనిపించే అందం గొప్పవి. తొలిప్రేమ అప్పుడే పుడుతుంది. తీరని గాయం రేగేది అప్పుడే! సలుపుతున్న పాతగాయాన్నే గ్రీకుభాషల్లో "నాస్టాల్జియా " అంటారు. ఆ నాస్టాల్జియాయే ఈ అగ్రహారం కథలు. వర్షం ముందర ప్రకాశించే సూర్యుడికంటే వర్షం తర్వాత ప్రకాశించే సూర్యుడు బలేగా ఉంటాడు. బాగుంటాడు. అదే విధంగా నాటికథలు నేడు బాగుంటాయని పుస్తకరూపంలో వెలువరిస్తున్నాం. ఈ కథలన్నీ గతంలో ఆదివారం ఆంధ్రజ్యోతిలో వారం వారం ప్రచురితమయ్యాయి. పాఠకుల ప్రశంసలు, ఆశీస్సులూ అందుకున్నాయి.
