ఆంధ్రప్రభ డైలీలో ప్రతి బుధవారం "ఆలోకన" అనే ఆలోచనాత్మకమైన శీర్షిక నిర్వహించే శ్రీ నీలంరాజు లక్ష్మీప్రసాద్ మంచి హాస్య రచయితని ఈ తరం వారికీ చాల మందికి తెలియకపోవచ్చు.
ప్రఖ్యాత పత్రికా రచయిత నీలంరాజు వెంకట శేషయ్య గారి జ్యేష్ఠ పుత్రుడైన శ్రీ లక్ష్మీప్రసాద్ "నవోదయ" వార పత్రిక నడపడంలో తండ్రికి విశేషంగా తోడ్పడేవారు. ఆ రోజుల్లో అయన కలం పేరు "ప్రానిల్ ". శ్రీ శ్రీ , ఆరుద్ర వంటి సుప్రసిద్ధులే కాక, ఎంతో మంది కొత్త రచయితలు నవోదయ లో సాక్షాత్కరించారు.
కొంతకాలం "నవోదయ" లోనూ , అటు తర్వాత , "తెలుగు స్వతంత్ర" లోనూ , శ్రీ లక్ష్మి ప్రసాద్, "ఏళ్లుమళై " అనే కలం పేరుతో "చైనా బజార్" అనే కలామ్ నిర్వహించేవారు. వారం వారం ఎందరో సీనియర్ రచయితలు - కొడవటిగంటి కుటుంబరావు. గోరా శాస్త్రి వంటివారు ఈ స్కెచ్ కోసం ఎదురు చూసేవారు.
